4دسمبر تک دے سکتے ہیں آن لائن درخواست ، مدرسہ بورڈ سے ملحق مدارس و دیگرمدارس کے مولوی پاس طلبا و طالبات کے لیے ایک سنہرا موقع : عبدالقیوم انصاری

3
3443

پٹنہ 18؍ ستمبر (بلاغ 18 ڈاٹ کام)

مدینہ اسلامی انٹر نیشنل یونیورسٹی میں ڈگری کورس میں داخلے کا آغاز۔ عبدالقیوم انصاری بہار اسٹیٹ مدرسہ ایجوکیشن بورڈ نے اطلاع دی ہے کہ نتیش کمار وزیر اعلا بہار کے ڈائنمک قیادت میں مدرسہ بورڈ سے پاس مولوی کے طلبا و طالبات کو مدینہ یونیورسٹی میں داخلہ کی راہ ہموار ہوئی۔ واضح ہوکہ اسلامی یونیورسٹی مدینہ منورہ کے شرعی کالج اور سائنس کالج میں بیرونی اسکالر شپ پر بیچلر میں داخلہ کے لیے مورخہ ۔12 ستمبر2021 سے 4؍ دسمبر 2021 تک آن لائن درخواست یونیورسٹی کے پورٹل /www.iu.edu.sa//:https پر دی جاسکتی ہے۔ شرعی کالج میں شرعیہ (اسلامک لا ) چار سالہ ڈگری کورس ، دعوہ و اصولِ دین چار سالہ ڈگری کورس ، قرآن کریم اور علوم اسلامیہ چار سالہ ڈگری کور س ، عربی زبان چار سالہ ڈگری کورس ، قوانین اور عدالتی علوم ، چار سالہ ڈگری کورس میں داخلہ لے سکتے ہیں۔ جو طلبا و طالبات سائنس کالج میں داخلہ لینا چاہتے ہیں وہ الکٹریکل انجینئرنگ ، میکینکل انجینئرنگ ، سول انجینئرنگ پانچ سالہ کورس، کمپیوٹر سائنس، انفارمیشن سسٹم، انفارمیشن ٹکنالوجی ، پانچ سالہ کور س، فزکس، کمیسٹری اور حساب چار سالہ کورس میں سائنس کے طلبا داخلہ لے سکتے ہیں ۔ داخلہ کے لیے ہائی اسکول ڈپلوما/انٹر پاس کے ساتھ ۔ ساتھ مدارس کے مولوی کی سند ہونا لازمی ہے۔ داخلہ کے لیے کچھ ضروری شرائط ہیں جن پر عمل کرنا لازمی ہوگا جو حسبِ ذیل ہیں:
۱۔ ہائی اسکول ڈپلوما یا اس کے مساوی سرٹیفکٹ کو حاصل کیے ہوئے پانچ سال سے زیادہ نہیں ہوئے ہوں۔

۲۔ درخواست گزار سعودی عرب میں مقیم نہ ہو۔
۳۔ درخواست گزار اچھے اخلاق او رکردار کا حامل ہو۔
۴ درخواست گزار کی عمر 17 سال سے کم اور پچیس سال سے زیادہ نہ ہو۔
۵۔ نظم و ضبط کی بنا پر کسی یونیورسٹی سے نکالا نہ گیا ہو۔
۶۔ درخواست گزار نے سعودی عرب کے کسی بھی تعلیمی ادارے سے کوئی اور اسکالر شپ حاصل نہ کی ہو۔
۷۔ سرٹیفکٹ اورکاغذات اپنے ملک کے مزاج حکام سے تصدیق شدہ ہوں۔
۸۔پولیس کیرکٹر سرٹیفکٹ ۔

۹۔اپنے ملک کے کسی معروف ادارے یا کسی مذہبی شخصیت کا تذکیہ ۔
۱۰۔ میڈیکل سرٹیفکٹ۔
۱۱۔ ریاست اور یونیورسٹی کے قواعد و ضوابط کی پابندی کرنے کا عہد کرنا۔

۱۲۔ قرآن کریم کے کالج میں داخلہ کے لیے مکمل قرآن کریم کا حافظ ہونا اور اس کے لیے زبانی امتحان پاس کرنا شرط ہے۔
ساتھ ہی داخلہ لینے والے امیدوار کو مطلع کیا جاتا ہے کہ شرعی کالجوں میں تعلیم عربی میں دی جائے گی ۔ یونیورسٹی میں تعلیم حاصل کرنے کے لیے درخواستیں وصول کرنے کے لیے دنیا میں کہیں بھی یونیورسٹی کے دفاتر یا ایجینٹ نہیں ہیں۔ داخلہ صرف مخصوص آن لائن پورٹل کے ذریعہ وصول کی جاتی ہے۔خواہش مند طلبا و طالبات جو درج بالا شرائط کو پورا کرتے ہیں و ہ متعین وقت کے دوران آن لائن درخواست دے سکتے ہیں۔ یونیورسٹی میں داخلہ کے لیے سلیکشن ہونے کے بعد سفری اخراجات اور کورس کو مکمل کرنے کے تمام اخراجات یونیورسٹی کی جانب سے ادا کی جائے گی۔

Previous articleمسنون نکاح۔۔ از : ڈاکٹر محمد رضی الاسلام ندوی
Next articleمعذوروں نے انتظامیہ کا شکریہ ادا کیا۔ مردوں کے ساتھ ساتھ خواتین کو بھی انتظامیہ کی جانب سے اسکوٹی فراہم کی گئی

3 COMMENTS

اپنے خیالات کا اظہار کریں

Please enter your comment!
Please enter your name here