نہیں ہیں اپنے درمیاں ابوالکلام قاسمی
دلوں پہ تھے جو حکمراں ابوالکلام قاسمی
تھے عظمتوں کا جو نشاں ابوالکلام قاسمی
تھے مثل شمع ضوفشاں ابوالکلام قاسمی
بہت دنوں سے تھے حلق کے کینسر میں مبتلا
تھے اس مرض سے نیم جاں ابو الکلام قاسمی
ہیں نقد نظم و نثر پر جو ان کی جانفزا کتب
رہیں گے اس سے جاوداں ابوالکلام قاسمی
ادب سے جن کو عشق ہے انھیں ںخوبی علم ہے
پہنچ گئے کہاں کہاں ابوالکلام قاسمی
نقوش چھوڑ کر گئے جو اپنے اس سے حشر تک
رہیں گے زیب داستاں ابوالکلام قاسمی
اجڑ گیا وہ باغ ان کی ناگہاں وفات سے
تھے برقی جس کے باغباں ابوالکلام قاسمی
(یہ بھی پڑھیں! ”کتاب کائنات” مرتبہ رضوان احمد پر منظوم تاثرات- از: احمد علی برقی اعظمی)
البلاغ ڈاٹ کام : منظوم تاثرات
احمد علی برقی اعظمی
ترجمان دیدہ ور ہے البلاغ
سب کا منظور نظر ہے البلاغ
ہے یہ ایسا ایک ڈیجیٹل پورٹل
منبع نقد و نظر ہے البلاغ
گلشنِ اردو میں ہے مثل بہار
نخل دانش کا ثمر ہے البلاغ
ہے یہ ویب سائٹ نہایت سودمند
چارہ سازو چارہ گر ہے البلاغ
ہے یہ برقی ناشر اردو زباں
ہر طرح سے معتبر ہے البلاغ